Atuisunut akit ukiup affaa kingullermi 2018 januaarimiit 2018 juulimut 0,3 pct.-imik qaffappoq. Ukiup affakkaarlugit juuli 2014-imiit juuli 2018-imut atuisunut akit nikittarneri titartagaq 1.-imi takutinneqarput.
Titartagaq 1. Jul. 2014-imiit jul 2018-imut atuisunut akit, ukiup affakkaarlugit nikittarneri pct.-inngorlugit,
Najoqqutaq: http://bank.stat.gl/PRNPRISV Indeks (2008=100)
Atuisunut akit ukiukkuutaartumik ineriartornerat
Juuli 2017-imiit juuli 2018-imut atuisunut akit 0,5 pct.-imik apparput. Atuisunut akit apparnerannut pissutaanerpaapput innaallagissamut imermullu akigititaasut apparneri. Titartagaq 2-mi pct.-inngorlugit qaffattarneri ukiukkaartumik takutinneqarput.
Titartagaq 2. Atuisunut akit ukiukkaartumik pct.-inngorlugit qaffanneri
Najoqqutaq: http://bank.stat.gl/PRNPRISV Indeks (2008=100)
Nioqqutissat immikkuutitaartut ataasiakkaat ukiumut ineriartornerat
Atuisunut akitigut ineriartorneq Inuussutissat kiffartuussinerillu ataatsimut nioqqutissat immikkuutitaartut ataanni ineriartornerannit pipput. Kisianni nioqqutissat immikkuutitaartut ataasiakkaat ineriartorneri assigiinngeqaat. Ukiumoortumik ineriartorneq juuli 2017-imiit juuli 2018-imut nioqqutissat immikkuutitaartut ataasiakkaat titartakkami 3-mi takutinneqarput. Nioqqutissat immikkuutitaartuni qaffariarnerpaasimasut tassaapput Neriniartarfiit akunnittarfiillu aamma Imigassat aalakoornartut tupallu. Taakku saniatigut nioqqutissat immikkuutitaartunit arlaqartut akii appariarsimapput, taakkua ilagaat Inigisaq aamma Assartuineq.
Titartagaq 3. Nioqqutissat immikkuutitaartut juuli 2017-imiit juuli 2018-imut pct.-iisa nikerarnerat
Najoqqutaq: http://bank.stat.gl/PRDPRISV